ទទួលហិរញ្ញប្បទាន

ធ្នូ 21, 2022

គម្រោងថវិកាសរុបនៃសហហិរញ្ញប្បទានទ្រទ្រង់សហគ្រាសធុនតូច និងមធ្យម ជំហានទី ២ ត្រូវបានបង្កើនរហូតដល់ ១៤០ លានដុល្លារអាមេរិក

ដើម្បីបន្តការគាំទ្រដល់សហគ្រាសធុនតូច និងមធ្យម ដែលមានតម្រូវការឥណទានសម្រាប់ទ្រទ្រង់អាជីវកម្ម និងស្របតាមផែនការស្តារសេដ្ឋកិច្ចឡើងវិញរបស់រាជរដ្ឋាភិបាល ធនាគារ សហគ្រាសធុនតូច និងមធ្យម កម្ពុជា រួមសហការជាមួយស្ថាប័នហិរញ្ញវត្ថុចូលរួម បានសម្រេចបង្កើនគម្រោងថវិការចំនួន ៤០ លានដុល្ហារអាមេរិក បន្ថែមទៀត សម្រាប់គម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម ជំហានទី ២ ដូច្នេះថវិការសរុបនៃគម្រោង កើនឡើងដល់ ១៤០ លានដុល្លារអាមេរិក។

 

សូមបញ្ជាក់ថា រាជរដ្ឋាភិបាលកម្ពុជា តាមរយៈធនាគារសហគ្រាសធុនតូច និងមធ្យម បានដាក់ឲ្យដំណើការគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម ជំហានទី ២ កាលពីថ្ងៃទី១៦ ខែសីហា ឆ្នាំ ២០២១ ដោយសហការជាមួយស្ថាប័នហិរញ្ញវត្ថុចូលរួមចំនួន ២៨ ក្នុងគោលបំណងជួយសម្រួលដល់ការផ្តល់ហិរញ្ញប្បទានដល់សហគ្រាសធុនតូច និងមធ្យម ជាពិសេសសហគ្រាសដែលរងផលប៉ះពាល់ពីវិបត្តិកូវីដ១៩ ។ គិតត្រឹមចុង ខែវិច្ឆិកា ឆ្នាំ ២០២១ គម្រោងនេះបានផ្តល់ឥណទានជូនដល់ ៧៩០ សហគ្រាស ដែលស្មើនឹងទំហំទឹកប្រាក់សរុប ៩៩,៨ លានដុល្លារអាមេរិក។

 

ហេតុដូច្នេះ ម្ចាស់សហគ្រាសធុនតូច និងមធ្យម អាចបន្តដាក់ពាក្យស្នើសុំឥណទានក្រោមគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម ជំហានទី ២ ដោយធ្វើការទំនាក់ទំនងផ្ទាល់ជាមួយគ្រឹះស្ថានហិរញ្ញវត្ថុដែលជាសមាជិកចូលរួមណាមួយ។ សម្រាប់ព័ត៌មានបន្ថែម សូមទំនាក់ទំនងមកកាន់ ធនាគារសហគ្រាស ធុនតូច និងមធ្យម កម្ពុជា ម.ក (ធ. ស. ក) ទៅតាមអាសយដ្ឋានដូចខាងក្រោម៖

 

អគារលេខ ៣០ ផ្លូវប៉ាស្ទ័រ កែងផ្លូវព្រៃនគរ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ព្រះរាជាណាចក្រកម្ពុជា
ឬទំនាក់ទំនងទូរសព្ទលេខ៖ 096 811 1118
អ៊ីម៉ែល៖ info@smebankcambodia.com.kh
គេហទំព័រ៖ www.smebankcambodia.com.kh
ឬអាចដាក់ពាក្យស្នើសុំតាមរយៈអនឡាញដោយគ្រាន់តែចុច៖ https://forms.office.com/r/sABjYrVXe7

បន្ថែម

គម្រោងហិរញ្ញប្បទានសហគ្រិនស្រ្តី
គម្រោងហិរញ្ញប្បទានសហគ្រិនស្រ្តីត្រូវបានអភិវឌ្ឍន៍ឡើងក្នុងគោលបំណងផ្តល់ការគាំទ្រដល់ម្ចាស់សហគ្រាសជាស្រ្តីនៅក្នុងព្រះរាជាណាចក្រកម្ពុជា តាមរយៈគម្រោងហិរញ្ញប្បទានដែលមានលក្ខខណ្ឌអនុគ្រោះ និងអត្រាការប្រាក់់ទាប។ សហគ្រិនជាស្រ្តីអាចប្រើប្រាស់គម្រោងហិរញ្ញប្បទានខាងលើ ដើម្បីយកទៅពង្រីកអាជីវកម្ម ឬដំណើរការអាជីវកម្មថ្មីបាន។
ពិធីសម្ពោធដាក់ឲ្យដំណើរការជាផ្លូវការសាខាទី៤ របស់ធនាគារ SME សាខាខេត្តត្បូងឃ្មុំ
សូមស្វាគមន៍មកកាន់ ការសម្ពោធដាក់ឲ្យដំណើរការសាខាទី៤ របស់ធនាគារ SME នៅលើទឹកដីខេត្តត្បូងឃ្មុំ ដែលមានសក្តានុពលសេដ្ឋកិច្ច វិស័យកសិ-ឧស្សាហកម្ម នាព្រឹកថ្ងៃចន្ទ ទី០២ ខែតុលា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់របស់ឯកឧត្តម...
ធនាគារ SME បានចូលរួមក្នុង “ពិធីសំណេះសំណាល និងពិសារអាហារសាមគ្គីជាមួយសហគ្រិនវ័យក្មេង”
នាថ្ងៃទី២៥ ខែកុម្ភៈ ឆ្នាំ២០២៣ ធនាគារ SME តំណាងដោយ លោកបណ្ឌិត លឹម អូន ជាអគ្គនាយក បានអញ្ជើញចូលរួមក្នុង “ពិធីសំណេះសំណាល និងពិសារអាហារសាមគ្គីជាមួយសហគ្រិនវ័យក្មេង” ក្រោមអធិបតីដ៏ខ្ពង់ខ្ពស់របស់ ឯកឧត្តមឧត្តមសេនីយ៍ឯក ហ៊ុន ម៉ាណែត
ធនាគារសហគ្រាសធុនតូច និងមធ្យម កម្ពុជា បានរៀបចំកិច្ចប្រជុំប្រចាំឆ្នាំ២០២៤ ក្រោមប្រធានបទ «Grow Strong, Grow Right»
សៀមរាប, នាព្រឹកថ្ងៃសៅរ៍ ទី២៤ ខែកុម្ភៈ ឆ្នាំ២០២៤ ធនាគារសហគ្រាសធុនតូច និងមធ្យម កម្ពុជា បានរៀបចំកិច្ចប្រជុំប្រចាំឆ្នាំ២០២៤ (Annual General Meeting 2024) ក្រោមប្រធានបទ «Grow Strong, Grow Right» នៅសណ្ឋាគារសុខាសៀមរាប ក្រោមអធិបតីភាពរបស់ ឯកឧត្តមបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល នៃធនាគារសហគ្រាសធុនតូច និងមធ្យម កម្ពុជា
គម្រោងហិរញ្ញប្បទានសហគ្រាសធុនតូច
គម្រោងហិរញ្ញប្បទានគ្មានទ្រព្យធានា ត្រូវបានអភិវឌ្ឍន៍ឡើងក្នុងគោលបំណងផ្តល់ការគាំទ្រដល់ម្ចាស់សហគ្រាសធុនតូចទាំងអស់នៅក្នុងព្រះរាជាណា ចក្រកម្ពុជា តាមរយៈគម្រោងហិរញ្ញប្បទានដែលមានលក្ខខណ្ឌអនុគ្រោះ អត្រាការប្រាក់់ទាប និងមិនមានតម្រូវទ្រព្យធានា។
ទស្សនៈកិច្ចសិក្សាស្វែងយល់អំពីគម្រោងហិរញ្ញប្បទានរបស់ធនាគារ SME ពីគណៈប្រតិភូនៃប្រទេសឡាវ
នាព្រឹក ថ្ងៃទី៦ ខែមេសា ឆ្នាំ២០២៣ គណៈគ្រប់គ្រងនៃធនាគារ SME ដឹកនាំដោយ លោកបណ្ឌិត លឹម អូន ជាអគ្គនាយក បានទទួលស្វាគមន៍គណៈប្រតិភូទាំង ១៦រូប ពីធនាគារកណ្តាល នៃប្រទេសឡាវ, ថ្នាក់ដឹកនាំនៃគម្រោង Lao Access to Finance Fund (LAFF),...

ព័ត៌មាន

ព័ត៌មានរបស់យើងខ្ញុំ

  • អគារ “មជ្ឈមណ្ឌលអភិវឌ្ឍធុរកិច្ច” ផ្លូវអូស៊ីអាយស៊ី ខណ្ឌជ្រោយចង្វារ រាជធានីភ្នំពេញ ព្រះរាជាណាចក្រកម្ពុជា

រក្សាសិទ្ធិ © ២០២០-២០២៤ ធនាគារសហគ្រាសធុនតូច និងមធ្យម កម្ពុជា

អំពីរធនាគារ SME

ចូលរួមជាមួយយើង

ជំនួយ

ហិរញ្ញប្បទានដោយផ្ទាល់

សហហិរញ្ញប្បទាន

បញ្ញើសន្សំ

ព័ត៌មាន