ការអប់រំដើរតួនាទីយ៉ាងសំខាន់ ក្នុងការចូលរួមអភិវឌ្ឍជាតិ និងទាមទារជាចំបាច់នូវការគាំទ្រពីរាជរដ្ឋាភិបាល និងតួអង្គពាក់ព័ន្ធ ដៃគូអភិវឌ្ឍន៍ ទាំងថ្នាក់ជាតិ និងអន្តរជាតិ។
ធនាគារសហគ្រាសធុនតូច និងមធ្យម កម្ពុជា ក្រោមការដឹកនាំរបស់លោកបណ្ឌិត លឹម អូន អគ្គនាយកនៃធនាគារ អមដំណើរដោយថ្នាក់ដឹកនាំ និងបុគ្គលិក បាននាំយកនូវសម្ភារសិក្សាមួយចំនួន ប្រគល់ជូនសាលាបឋមសិក្សាជាំសង្កែ ដែលស្ថិតនៅក្នុងភូមិតានៃ ឃុំជាំសង្កែ ស្រុកភ្នំស្រួច ខេត្តកំពង់ស្ពឺ នាថ្ងៃទី២៩ ខែមិថុនា ឆ្នាំ២០២៤។
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-15-1.jpg)
គួរបញ្ជាក់ផងដែរថា ថវិការដែលត្រូវបានឧបត្ថម្ភនេះ ទទួលបានពីការចូលរួមបរិច្ចាគពីក្រុមប្រឹក្សាភិបាល, ថ្នាក់ដឹកនាំ និងបុគ្គលិកគ្រប់ជាន់ថ្នាក់ទាំងអស់ នៃធនាគារសហគ្រាសធុនតូច និងមធ្យម កម្ពុជា តាមរយៈសកម្មភាពជិះកង់រួមគ្នា ដែលត្រូវបានធ្វើឡើងនាថ្ងៃទី២៣ ខែកុម្ភៈ ឆ្នាំ២០២៤ នៅលើទឹកដីអង្គរ ក្រោមប្រធានបទ៖ ទង្វើតូច ក្តីស្រឡាញ់ធំ – ជិះកង់ជាមួយ SME Bank។
កាយវិការ និងទឹកចិត្តសប្បុរសធម៌ដ៏ថ្លៃថ្លានេះ បានស្តែងឱ្យឃើញអំពីការគិតគូរយ៉ាងចិត្តទុកដាក់ក្នុងកិច្ចចូលរួម និងជំរុញការលើកកម្ពស់ការអប់រំ ក្នុងការគាំទ្រសហគមន៍ ដែលកំពុងមានតម្រូវការជាក់ស្តែង។ ធនាគារសហគ្រាសធុនតូច និងមធ្យម កម្ពុជា បានរួមចំណែកគាំទ្រដល់រាជរដ្ឋាភិបាល ក៏ដូចជាក្រសួងអប់រំ ក្នុងការអនុវត្តគម្រោងអប់រំ សំដៅកសាងមូលធនមនុស្ស ដើម្បីឆ្លើយតបទៅនឹងតម្រូវការអភិវឌ្ឍសេដ្ឋកិច្ច សង្គមកិច្ច វប្បធម៌របស់ព្រះរាជាណាចក្រកម្ពុជា និងភាពរីកចម្រើននៅក្នុងតំបន់ និងសកលលោក។
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/8-copy-6.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-13-1.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-18.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-10.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-8.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-6.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-20.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/LOGO-copy-4.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/8.jpg)
![](https://sp-ao.shortpixel.ai/client/to_auto,q_glossy,ret_img,w_4999,h_3332/https://smebankcambodia.com.kh/wp-content/uploads/2024/07/8-copy.jpg)